फुलपाखराचे रंग....
चिमटीत पकडलेल्या फुलपाखराने अलगद ..... अगदी त्याच्या स्वतःच्याही नकळत बोटावर रंग सोडावेत, तितक्या अलगद तुझे रंग तू मला दिलेस. नपेक्षा ते माझ्यावर उमटले; आणि उमटतच राहिले, मी त्यांत माखून जात नाही तोवर.....

......खरंच का आभाळ एवढं मोठं असतं, कि उडण्यासाठी त्या फुलपाखराला जन्मही पुरणार नाही!....अरे पण फुलपाखराचा जन्म हा भरारी मारण्यासाठी नसतोच. तो असतो फुलांच्याही गंधकोषातला  रस लुटण्यासाठी, तो असतो वेलींना सृजनाचा आनंद देण्यासाठी; आणि .... आणि असतो बोटांवर अलगद रंग सोडण्यासाठी!