कातरवेळी...

कातरवेळी उतरता सूर्य पाहून की आठवतं?...
पिल्लांच्या ओढीने घरट्यात परतणारी चिऊताई,
दिवसभर हसत असलेली आणि आता पेंगुळलेली फुलं,
जगभर फिरून येऊन आता रेंगाळणारा वारा,
भोवरयाची ज्याळी, दांडू हरवलेली विटी, पतंगाचा उरलेला मांजा,
खरचटलेलं कोपर, वीसकटलेले केस, पोटात उड्या मारणारी भूक, 
लहानपणी, पदराला हात पुसत, टाचा उंचावून, दारात आपली वाट बघणारी आई,
खेळून आल्या आल्या, पोटात जाऊन गुदगुल्या करणारं माठातलं थंडगाssर पाणी.