काल खूप पाउस आला...
सरत्या सूर्याने आकाशात वेळेआधीच दडी मारली.तहान भागवून गवताची पाती हसता-हसता आणखी हिरवी झाली.
मृदगंधाने वेडावून गेलेला, माझ्या केसातला मोगरा सुगंधाची उधळण करून थकला.
भिजायला पडले बाहेर; कारण थोडा वेडेपणा करावासा वाटला.
चिंब ओली होताना, माझ्या नकळत तू मला पाहिलंस;
मग नुसता पाऊसच आला, भिजणं मात्र राहिलं.
बर्याच वेळाने कळालं, पाउस थांबला सुद्धा!
चहाचे कप्स तसेच राहिले - तुझा अर्धा-माझा अर्धा!
No comments:
Post a Comment